श्री भगवती स्तोत्रम्

जय भगवति देवि नमो वरदे, जय पापविनाशिनि बहुफलदे ।

जय शुम्भ-निशुम्भ-कपालधरे, प्रणमामि तु देवि नरार्तिहरे ।।1।।

जय चन्द्रदिवाकर नेत्रधरे, जय पावक भूषितवक्त्रवरे ।

जय भैरवदेहनिलीनपरे, जय अन्धकदैत्य विशोषकरे ।।2।।

जय महिषविमर्दिनिशूलकरे, जय लोकसमस्तकपापहरे ।

जय देवि पितामहविष्णुनते, जय भास्करशक्रशिरोsवनते ।।3।।

जय षण्मुख सायुधईशनुते, जय सागर गामिनि शम्भुनुते ।

जय दु:खदरिद्रविनाशकरे, जय पुत्रकलत्रविवृद्धकरे ।।4।।

जय देवि समस्त शरीरधरे, जय नाक विदर्शिनि दु:खहरे ।

जय व्याधि विनाशिनि मोक्ष करे, जय वांछित दायिनि सिद्धिवरे ।।5।।

एतव्द्यासकृतं स्तोत्रं य: पठेन्नियत: शुचि: ।

गृहे वा शुद्धभावेन प्रीता भगवती सदा ।।6।।